छत्रपती संभाजी नगर , दि.16 नोव्हेंबर:
छत्रपती संभाजी नगरच्या शेंद्रा एमआयडीसीच्या रेडीको एनव्ही कंपनीमध्ये मका साठवून ठेवणाऱ्या टाकीला वेल्डिंग करता वेळेस टाकी कोसळली, त्यामध्ये आतापर्यंत चार जणांचा मृत्यू झालाय. तर एक जण गंभीर जखमी असून त्याच्यावर रुग्णालयात उपचार सुरू आहे.
आपल्या भाच्याचा मृतदेह ठिगाऱ्याखाली सापडल्यानंतर मामाने टाहो फोडला, संतोष पोपळघट या कामगाराचे अक्षरशः शरीराचे तुकडे-तुकडे मिळाले, हे पाहून सोबत काम करणाऱ्या कामगारांचाही टाहो पाहायला मिळाला, या घटनेनंतर विरोधी पक्षनेते अंबादास दानवे यांनी घटनास्थळी पाहणी केली,
यावेळी कंपनी व्यवस्थापकाने माहिती देण्यास टाळाटाळ केली. त्यानंत नातेवाईक यांनी अधिकाऱ्यांना धारेवर धरले, कंपनी व्यवस्थापकांनी माहिती देण्यास टाळाटाळ केली आणि कंपनीत कोणत्याही प्रकारची सेफ्टी नसल्याचे निदर्शनास आल्याकारणाने यांच्यावर सदोष मनुष्यवदाचा गुन्हा दाखल करावा अशी मागणी विरोधी पक्षनेते अंबादास दानवे करणार आहे.
