Share
नवी मुंबई ,२७ मे :
नवी मुंबई महानगरपालिकेच्या कार्यक्षेत्रातील कोपरखैरणे विभागा अंतर्गत बजरंग महादेव गोळे, रूम नंबर ३३५ सेक्टर-१५ कोपरखैरणे, नवी मुंबई व कारभारी रामभाऊ ढोले, रूम नंबर १२२सेक्टर ०५ कोपरखैरणे, नवी मुंबई. यांनी महानगरपालिकेची कोणतीही पुर्व परवानगी न घेता अनधिकृतपणे आर.सी.सी. स्वरूपाचे बांधकाम सुरू केले होते.
अनधिकृत बांधकामास कोपरखैरणे विभागामार्फत महाराष्ट्र प्रादेशिक नियोजन व नगररचना अधिनियम, १९६६ मधील कलम ५४ अन्वये अनुक्रमे दि.२९/०२/२०२४ व दि.२६/०३/२०२४ रोजी नोटीस बजावण्यात आलेली होती. परंतु सदर ठिकाणी अनधिकृत बांधकाम सुरू ठेवले होते.
सदरची दोन्ही अनधिकृत बांधकामे आज दिनांक २४/०५/२०२४ रोजी निष्कासित करण्यात आलेली आहेत. या धडक मोहिमेसाठी कोपरखैरणे विभागाकडील अधिकारी/कर्मचारी, ८ मजूर, १गॅस कटर,२ ब्रेकर,१ पीकअप व्हॅन कारवाई करीता वापर करण्यात आले. तसेच अतिक्रमण विभागाकडील पोलिस पथक तैनात होते.
यापुढे देखील अशा प्रकारे अतिक्रमण विरोधी कारवाई तीव्र करण्यात येणार आहे.